Abstract
Hovudproblemstillinga i denne oppgåva er å finne haldninga til og utviklinga i arbeidarrørsla i forholdet til nasjonaldagen. Eit hovudspørsmål er korleis dei markerte nasjonaldagen på slutten av 1930-åra fram til 1939. Med tanke på den kunnskap vi har frå før om store spenningar i arbeidarrørsla omkring det nasjonale spørsmål, skal oppgåva sjå mest på åra då rørsla forlika seg med nasjonaldagen, og kor langt denne utviklinga gjekk fram til 1939. Oppgåva har difor eit spesielt fokus på året 1939. Det er fleire aspekt ved markeringa av nasjonaldagen, alt frå det som direkte er knytt til Grunnlova og 1814 til meir folkelege og stadbundne tradisjonar. Ein må rekne med at blant folk som identifiserte seg med ei så stor eining som arbeidarrørsla, var det mange ulike haldningar til, og skikkar på 17. mai. Oppgåva skal prøve å få med breidda, frå politiske tema og utsegn, til det meir folkelege og praktiske.