| dc.description.abstract | Denne masteroppgåva tek føre seg det franske pronomenet “en” og undersøkjer kva dei strukturane som inneheld dette pronomenet, kan svare til på norsk. Vi har ikkje noko tilsvarande pronomen i det norske språksystemet, og en vert ikkje alltid omsett til norsk, særleg i kvantitative samanhengar. Problemstillinga mi har difor vore: Comment le pronom en avec un emploi quantitatif ou partitif est-il traduit en norvégien ? Altså: Korleis vert pronomenet en omsett til norsk i kvantitative og partitive samanhengar ? Med utgangspunkt i autentiske tekstar frå begge språk, har eg gjennomført ei kontrastiv analyse i tre delar : kvantitativ en, partitiv en, og en som erstattar nominalgrupper innleidd av delingsartikkelen (du, de la, de l’) eller ubunden determinativ i fleirtal (des). Pronomenet en i sistnemnde gruppe har anten ei kvantitativ eller partitiv tyding. For å skilje mellom dei to kategoriane, har eg teke utgangspunkt i Ihsane (2013) sine teoriar om den syntaktiske funksjonen til pronomenet en. Det språklege materialet er henta frå Oslo Multilingual Corpus, eit digitalt parallellkorpus som består av originale tekstar og omsettingar til fleire språk. Ettersom datamaterialet inneheld både sakprosa og skjønnlitterære tekstar, skrivne på norsk og fransk, gir korpuset eit godt grunnlag for å studere likskapar og skilnader i informasjonsstrukturen i dei to språka. | fre |