Dyrkingsspor, busetnad- og aktivitetsområde, Onsaker, 220/1, Hole kommune, Buskerud

Abstract

Den arkeologiske undersøkinga var knytt til etablering av traktorveg over eit jorde mot Onsakervika. Etter reinsing og snitting vart mange av dei registrerte strukturane avskrivne, me reknar fire av kulturminna som automatisk freda; to kokegroper (S2 og S4) og spor etter fossile åkerlag (S1 og S10). Desse vart alle dokumentert og undersøkt og det vart tatt prøver frå profilet. Dei to kokegropene vart datert til eldre bronsealder. Den eldste daterte kokegropa (S4) vart datert på furu, noko som kan ha ein innverknad på dateringsresultatet. Dei fleste kokegropene vert datert til eldre jernalder, særskild romartid (AD 0 – 400) og folkevandringstid (AD 400-600). Det er likevel kjent dateringar tilbake til bronsealder (jf. Gustafson, Heibreen og Martens 2005). Fossile åkerlag vart datert til folkevandringstid og mellomalder. Det var ikkje mogleg å avgrense utstreknaden av dei fossile åkerlag, då me ikkje kunne utvide undersøkingsområdet utover vegtraseen. Kokegropene og åkerlaga viser at det har vore busetnad og aktivitet i området frå bronsealder og fram til nyare tid. Undersøkinga er likevel svært avgrensa og gjev oss difor berre eit fragmentarisk innblikk i førhistoria på Onsaker.

Prosjektleder: Lil Gustafson