Innovasjon, evolusjon og agency: forskingshistorisk analyse av teknologihistorie

Abstract

Denne oppgåva handlar om korleis teknologisk utvikling har blitt forklart på ulike punkt i arkeologisk forskingshistorie, og særskilt kva rolle enkeltmenneske blir gitt i endringsprosessar. Ontologisk menneskesyn – i kva grad menneske er frie eller lovbundne – blir kopla saman med forklaringar på teknologisk innovasjon som tilfeldige hendingar eller målretta prosessar. Eit sentralt problem er forholdet mellom kva teoretiske perspektiv ein kan bruke for å undersøke forskingshistorie, og dei teoretiske perspektiva som har blitt brukt for å undersøke teknologihistorie. Ved å undersøke forskingshistoriske brot, kritikk og kontroversar mellom diskursar, blir det identifisert to omgrep som på ulike måtar har blitt brukt til å forklare teknologisk utvikling.