Theremin - Novachord - Polymoog : ei vandring i synthesizeren si historie

Abstract

Dette prosjektet ligg innanfor feltet musikkteknologi og handlar om historiske analoge synthar, mest om Novachord frå 1938, Polymoog frå 1976 - og den som vert kalla stamfaren til alle seinare synthar; Theremininen som kom på marknaden i 1919. Også andre store instrument vert nemnde, men ikkje vektlagde slik som desse tre. Ved å presentere tre instrument frå ulike tidsepokar, ønskjer eg å vise nokre sider ved den tekniske utviklinga av synthesizeren, og samstundes utforske begrepet synthesizer. Synthesizerar kan ha ulike design og tekniske innretningar, men instrumenta må ha fellestrekk som kvalifiserer dei til å kunne plasserast under ei samlenemning. Ei av hensiktene med prosjektet er å både synleggjere utfordringa med å finne plass til instrumentet i eit klassifikatorisk hierarkisk system, og å finne ein handfast definisjon på kva funksjonar eit instrument må ha for å kunne nemnast som ein synth. Eg har registrert både vide og meir utfyllande definisjonar, men har sakna ei grundigare utdjuping av begrepet.