Omnipotent impotens : Swamp Thing - kryssingspunkt mellom mainstream og underground i 80-åras amerikanske teikneseriar

Abstract

Oppgåva er den til dags dato mest kvalifiserte og omfattande presentasjonen og lesinga av teikneserien Swamp Thing. Oppgåvas hovudtese er at Swamp Thing, slik serien vart utforma av Alan Moore i perioden 1983-87 markerer eit særleg fruktbart punkt i teikneseriehistoria der impulsar frå både mainstream- og undergroundtradisjonen bidrar til eit nytt og særdeles vellukka kunstnerisk uttrykk.

Den første delen av oppgåva diskuterer den historiske utviklinga av teikneseriefeltet slik den leier fram til dette møtet, og dynamikken mellom dei to strøymingane. Til grunn for denne diskusjonen ligg i hovudsak arbeida til teikneserieteoretikaren Roger Sabin. Den historiske utlegninga vert så komplementert ved hjelp av teoriane til sosiologane Robert Escarpit og Pierre Bourdieu.

Andre del byggjer på Umberto Eco si skildring av superheltsjangeren, og korleis Swamp Thing, og superheltsjangeren på 80-talet meir generelt, forheld seg til dei momenta han diskuterer. Denne delen tek utgangspunkt i ein hypotese om at 80-talets «nye» superhelt må forståast på bakgrunn av dei gamle superheltane og rammene for narrativa dei høyrer heime i.

Siste del utgjer sjølve lesinga av Swamp Thing, og i denne er det særleg Mikhail Bakhtin sine teoriar om det groteske som gjer det mogleg for meg å nærme meg dei sentrale tema verket tek opp. Oppgåva søker slik både å gi en kvalifisert presentasjon av fenomenet Swamp thing, men også å seie noko generelt om utviklinga av teikneseriefeltet på 1980-talet.