Snytt på nytt? : Om problemområda distriktspolitikk, landbruk og fiskeri i medlemskapsforhandlingane med EU 1993-94

Abstract

Norske veljarar stemte nei til EU i folkeavstemminga 28. november 1994, og historia frå 1972 gjentok seg dermed. I forkant av avstemminga hadde Noreg vore i omfattande og vanskelege medlemskapsforhandlingar med EU, frå 5. april 1993 til 16. mars 1994.

I forhandlingane peika det seg ut tre problemområde: distriktspolitikk, landbruk og fiskeri. Desse områda blei ekstra viktige for dei norske forhandlarane. Det var her ein måtte kunna visa til gode forhandlingsresultat, som vidare kunne sikra støtte til EU-medlemskap frå eit fleirtal av det norske folket i den etterfølgjande folkeavstemminga. I forhandlingane med EU kom norske forhandlarar difor med fleire strenge krav om at fellespolitikken i EU skulle tilpassast fleire norske særtrekk, både retta mot distrikta, landbruket og fiskeria.

Denne oppgåva handlar om korleis forhandlingane på desse tre problemområda utvikla seg undervegs, og korleis den norske forhandlingsstrategien kjem fram i skjeringspunktet mellom kva som ville vera akseptabelt i EU-hovudstaden Brussel, og kva som ville vera akseptabelt heime i opinionen i Noreg.