Abstract
Oppgåva har som føremål å røkje etter om om det har skjedd eit paradigmeskifte i den psykoanalytisk retta utviklingspsykologien. Thomas Kuhn definerer ”paradigme” som “ei vitskapleg yting som er framifrå nok til å trekkje ei gruppe tilhengjarar vekk frå andre slag vitskapleg verksemd for godt, og som samstundes er open nok til å gje den omskipa granskargruppa alle slag problem å løyse”. Frå Sigmund Freud lanserte den klassiske driftsteorien i byrjinga av 1900-talet har det skjedd ei rivande utvikling innanfor psykoanalytisk teori ved at menneskelege relasjonar er vortne tillagde ei stendig viktigare rolle i spedbarnspsykologien. Det førde til ei revurdering av mange av dei gamle aksioma til Freud, som såg på spedbarnet som eit autistisk vesen utan annan interesse for kontakt med andre menneske enn den som tente som middel til driftsstetting. Viktige tilskot til denne utviklinga vart ytte av egopsykologien og objektrelasjonsteorien, med høvesvis Freud si dotter Anna Freud og Melanie Klein som føregangskvinner, men òg med Margaret Mahler, Ronald D. Fairbairn og Donald W. Winnicott som sentrale personar. Men desse teoretikarane reknar òg med ein autistisk fase rett etter fødselen, og er meir opptekne av andre menneske som indre objektrepresentasjonar enn av å sjå dei som medspelarar i ein intersubjektiv dialog med spedbarnet.
Det er fyrst Daniel N. Stern som har teki steget bort frå det klassiske psykoanalytiske synet på spedbarnet. Det skuldast serleg den vekta han legg på observasjon som metode i spedbarnspsykologien, og som han ser på som eit viktig supplement til den klassiske psykoanalytiske metoden med å nærme seg spedbarnet gjennom ex post facto-slutningar ut frå klinisk materiale framkomi i terapi med vaksne. Slikt materiale kan vera ein innfallsport til spedbarnet sine subjektive opplevingar, som observasjonar ikkje kan gje oss mykje informasjon om. Likevel heftar det mykje uvisse ved det vitskaplege verdet av slikt materiale, noko Stern sjølv er fullt merksam på.
Parallelt med Stern si vending vekk frå den klassiske psykoanalytiske modellen har det skjedd ei rivande utvikling innanfor eksperimentell psykologi, der observasjon av spedbarn under kontrollerte tilhøve har stått sentralt. Eg tek her serleg føre meg namn som Colwyn Trevarthen, Andrew Meltzoff og Giannis Kugiumutzakis. Desse studiane peiker alle i retning av at det jamvel ligg føre ei evne til å gå inn i eit beinveges samspel med andre menneske hjå nyfødde.
Eksperiment med nye metodar for avteikning av hjernefunksjonar, der den italienske Parma-skulen under leding av Giacomo Rizzolatti har stått sentralt, tyder på at vi her har å gjera med ein nervemekanisme lokalisert i dei sokalla ”spegelnevronane”, som fyrer av både ved utføring og observasjon av ei handling. Det gjev eit mogleg biologisk korrelat til evna til å etablera intersubjektive relasjonar, men det står framleis mykje gransking att før ein kan trekkje klåre slutningar frå resultata av desse eksperimenta til åtferda hjå spedborn. At dei same nevrologiske mekanismane er vortne etterviste hjå apar gjev likevel ein evolusjonsbiologisk stønad til spegelnevronteorien.
Stein Bråten, som sjølv har gjort observasjonar av meir kasuistisk art av både apar og menneske, fangar opp desse eksperimentelle nyvinningane med omgrepet ”altersentrisk deltaking”, som han definerer som ein ”empatisk kapasitet til å identifisera seg med den andre på ein virtuelt deltakande måte som kallar fram sams iverksetjing eller delt oppleving som om ein er i den andres kroppslege sentrum”. Det dreier seg soleis om ei beinveges deltaking i den andre sine handlingar på eit førkognitivt, kjenslebore plan. Bråten gjev på det viset dei empiriske funna både frå observasjon av spedborn og ekperimentell nevropsykologi eit teoretisk grunnlag. Han kan òg syne til eigne resultat av kasuistiske studiar av både spedborn og sjimpansar, som stør opp under dei resultata som er framlagde frå dei eksperimentelle studiane.
Eg konkluderer med at den teoretiske utviklinga, som både Stern og Bråten her målber, relatert til dei kvantespranga som er gjorde i empirisk gransking, fortener nemninga ”paradigmeskifte” i Kuhns forstand i høve til til den klassiske psykoanalytiske utviklingspsykologien.
My intention with this thesis is to try to find out if there has been a shift of paradigm in the psychoanalytically oriented developmental psychology. Thomas Kuhn defines a “paradigm” as a scientific achievement which is “sufficiently unprecedented to attract an enduring group of adherents away from competing modes of scientific activity” and which is “sufficiently open-ended to leave all sorts of problems for the redefined group of practitioners to resolve”. From Sigmund Freud launched the classical drive theory at the beginning of the 20’th century, we have seen a furious development within developmental psychology by putting an ever greater emphasis on the role played by human relations in infant psychology. That led to a reevaluation of a lot of the old axioms of Freud, who considered the infant to be an autistic creature with no other interest in contact with other human beings than the one which served as a means for drive gratification. Important contributions to this development were made by ego psychology and object relations theory, with respectively Freud’s daughter, Anna Freud, and Melanie Klein as leading figures, but also with Margaret Mahler, Ronald D. Fairbairn, and Donald D. Winnicott as central persons. However, these theoreticians too calculate with an autistic phase just after birth, and they are dealing with other people more as inner object representations than as interplayers in an intersubjective dialogue with the infant.
Daniel Stern is the first to take the step away from the classical psychoanalytical view on the infant. That is because of his emphasizing observation as a method in infant psychology. He regards this as an important supplement to the classical psychoanalytic method of approaching the infant by ex post facto conclusions based on clinical material extracted from therapy with adults. Such material may be an entrance to the subjective experiences of the infant, which observations cannot give us much information about, but still there is a lot of uncertainty connected with the scientific value of such material, a thing of which Stern himself is quite aware.
At the same time as Stern is turning away from the classical psychoanalytic model, there has been a rapid development within experimental psychology, where infant observation under controlled conditions has plaid an important role. Here I will particularly be dealing with names as Colwyn Trevarthen, Andrej Meltzoff, and Giannis Kugiumutzakis. These studies all indicate that even among newborns there is a capability to enter into an immediate interplay with other human beings.
Experiments with new methods for the imaging of brain functions, where the Italian Parma School, led by Giacomo Rizzolatti, has plaid an importantl role, indicate that we are here dealing with a nerve mechanism localized in the so-called “mirror neurons”, which fire both by execution and observation of an action. This gives us a possible biological correlate to our capability to establish intersubjective relations. However, a lot of research still remains before clear conclusions can be arrived at from the results of these experiments on infant behaviour. That the same neurological mechanisms have been shown to exist in apes and monkeys still gives evolutionary support to the mirror neuron theory.
Stein Bråten, who has himself been doing casuistic observations of both apes and human beings, catches these new experimental developments by the term “altercentric participation”, which he defines as an “empathic capacity to identify with the other in a virtual participating manner, which evokes co-enactment or shared experience, as if being in the other’s bodily centre”. Thus we are dealing with an immediate participation in the other’s actions on a precognitive, emotional level. This way Bråten gives a theoretical foundation of the empirical findings both from infant observation and experimental neuroscience. He can also refer to results from his own casuistic studies both of infants and chimpanzees, which underpin the results put forward by experimental psychology.
I conclude that the theoretical development, which is represented both by Stern and Bråten, and which relates to the quantum leaps having been done by empirical research, deserves the designation “shift of paradigm” in Kuhn’s sense of the word, as compared to the classical psychoanalytic developmental psychology.