Reorganiseringa av Arbeidsdirektoratet i 1983 : ei prosessanalyse

Abstract

REORGANISERINGA AV ARBEIDSDIREKTORATET - EI PROSESSANALYSE. Som tittelen tilseier dreiar denne oppgåva seg om å studere eit sentralt aspekt i samband med organisatoriske endringar, nemleg sjølve beslutnlngsprosessen. Prosessanalysa tek sikte på å gjere greie for to viktige element som ein beslutningsprosess består av, nemleg aktiviseringsprosessen og defineringsproseesen. Oppgåva freistar å beskrive kva som gjekk føre seg, med omsyn til ovanforståande, då Arbeidsdirektoratet endra organisasjonsform 1 1983. Problemstillinga som vert drøfta er i kva grad eiln kan seie dei to delprosessane i beslutningsprosessen kan karakteriserast som styrte og kontrollerte. Oppgåva tek sikte på å undersøkje to hypoteser. Den ein av desse påstår at reorganiseringsprosessen var ein styrt og kontrollert prosess. Den andre påstår at det var ledelsen i direktoratet og i den administrative ledelsen i departementet som stod for denne styringa og kontrollen. Det empiriske materialet som oppgåva byggjer på er skrevne kjelder frå reorganiseringsarbeidet i form av dokument som brev, notat og møtereferat. Metoden som ver brukt her er altså ei innhaldsanalyse av dei foreliggande dokumenta, der ein freistar å rekonstruere det som gjekk føre seg. Det teoretiske verktøyet som vert brukt er først og fremst dei tre organisasjonsperspektiva, det rasjonelle, det naturlege og det anarkiske perspektivet. Desse er freista gjort greie for og vert også freista jamførdte med kvarandre for å avdekke likskaper og skilnader perspektiva i mellom. Dernest vert også den teoretiske tilnærminga tll studie av strategiske beslutningsprosessar frå dei såkalla Bradfordstudiane trekkte inn. Denne tilnærminga vert gjort greie for i eit eige kapittel, der ein også freistar å jamføre denne med dei tre organisasjonsperspektiva . Dei funn som vert gjort i1 empirikkapittelet vert så jamført med ullke forventningar tll kva som vllle verte avdekka ut i frå dei ulike tilnærmingsmåtane. I denne drøftingdelen vert empirien gjennomgått og jamført med del ulike perspektiva i tur og orden. Konklusjonen på drøftlnga vert at ein jamt over finn flest trekk i det empiriske materlalet som samsvarar med det ein vil forvente å finne ut i frå eit rasjonelt organisasjonsperspektiv. Dette medfører i sin tur at ein konkluderer med at dei to hypotesene som ein tok utgangspunkt i, synest å ha vorte styrka. Konklusjonen medfører også at tilnærmingsmåten i i "Bradfordstudiane" og det denne bygger på, ikkje synest a få støtte i det kjeldematerialet som beskriver reorganiseringsprosessen i Arbeidsdirektoratet. Ut i frå forventningane som Bradfordforskarane hadde til fenomenet, må reorganiseringsprosessen i Arbeidsdirektoratet karakteriserast som ein atypisk prosess. Dette vert også kort kommentert avslutningsvis i oppgåva på bakgrunn av at reorganiseringa i Arbeidsdirektoratet synest å framvise trekk som, ut i frå tidlegare undersøkelsar, ser ut til å vere relativt vanlege i den norske forvaltninga når det gjeld denne typen prosessar.