dc.date.accessioned | 2013-03-12T08:30:32Z | |
dc.date.available | 2013-03-12T08:30:32Z | |
dc.date.issued | 2006 | en_US |
dc.date.submitted | 2006-02-06 | en_US |
dc.identifier.citation | Bjørhovde, Ingunn. Undersøkingar av celler sin respons på intern bestråling med lågenergetiske elektron ved ultralåge doseratar. Hovedoppgave, University of Oslo, 2006 | en_US |
dc.identifier.uri | http://hdl.handle.net/10852/11133 | |
dc.description.abstract | Samandrag
Humane celler sin respons på stråling endrar seg med varierande doseratar. I denne oppgåva har to humane cellelinjer vorte bestrålte med ultralåge doseratar for å kartleggje effekten av strålinga ved bestrålingstider på fleire veker. Det vart nytta celler frå brystkreftcellelinja T-47D og livmorhalskreftcellelinja NHIK 3025.
Celle- og kjernediametrane til desse cellene vart funne ved hjelp av fasekontrast- og fluorecsensmikroskopiske undersøkingar. Dei midla cellediametrane vart funne til å vere(14 ± 1) μm og (17 ± 2) μm, med tilhøyrande kjernediametrar på (11 ± 1) μm og (13 ± 2) μm, for høvesvis T-47D- og NHIK 3025-cellene.
Cellene vart bestrålte i kultur ved at ei viss mengd av den radioaktive isotopen [3H] (tritium) vart inkorporert i cellene. [3H] var bunde til den essensielle aminosyra valin som vart inkorporert gjennom proteinsyntesen. Dosimetri- og effektforsøk vart gjort med spesifikk aktivitet på 1,5 Ci/mol i media. Inkorporeringsforløpet vart kartlagt for dei to ulike celletypane ved hjelp av væskescintillasjonsteljing. Det vart funne at radioaktiviteten hadde
nådd eit stabilt nivå (steady state) i cellene etter om lag 100 timar. Doseratane og totaldosane til cellekjernane vart då berekna ut i frå ein modell for cellulær dosimetri utvikla av Goddu et al. (1997). Etter at steady state var nådd, vart doseratane til cellekjernen funne til å vere (0,015 ± 0,004) Gy/time for T-47D-cellene og (0,013 ± 0,003) Gy/time for NHIK 3025-cellene.
Doblingstidene til cellene vart bestemt både for celler som voks på medium med [3H]-valin og for ubestrålte kontrollceller som voks på medium tilsett ikkje-radioaktiv valin. Det vart gjort eksperiment med celler som hadde vorte bestrålte i opp til 22 veker. Utover i
bestrålingsforsøka vart det observert ei endring i doblingstid. Det viste seg at dei bestrålte cellene hadde generelt ei lenger doblingstid enn kontrollcellene.
Celleoverlevingsforsøk vart gjort for bestrålingstider opp til 20 veker. Det vart funne at både T-47D- og NHIK 3025-cellene tolererte bestrålinga gjennom heile bestrålingsperioden. Etter eit par vekers bestråling vart det observert ei minke i overlevinga ned til om lag 60-80 %. Overlevinga heldt seg stabil på dette nivået og noko vidare minke vart ikkje observert.
Cellesyklusfordelinga til dei bestrålte cellene vart funne ved ulike tidspunkt i bestrålingsperiodane, ved hjelp av flowcytometri. Det vart ikkje funne noko tydeleg endring i cellesyklusfordelinga. | nor |
dc.language.iso | nno | en_US |
dc.subject | humane celler lavenergetiske elektroner celleoverlevelse vekstkurver doserespons | en_US |
dc.title | Undersøkingar av celler sin respons på intern bestråling med lågenergetiske elektron ved ultralåge doseratar | en_US |
dc.type | Master thesis | en_US |
dc.date.updated | 2006-05-19 | en_US |
dc.creator.author | Bjørhovde, Ingunn | en_US |
dc.subject.nsi | VDP::430 | en_US |
dc.identifier.bibliographiccitation | info:ofi/fmt:kev:mtx:ctx&ctx_ver=Z39.88-2004&rft_val_fmt=info:ofi/fmt:kev:mtx:dissertation&rft.au=Bjørhovde, Ingunn&rft.title=Undersøkingar av celler sin respons på intern bestråling med lågenergetiske elektron ved ultralåge doseratar&rft.inst=University of Oslo&rft.date=2006&rft.degree=Hovedoppgave | en_US |
dc.identifier.urn | URN:NBN:no-12226 | en_US |
dc.type.document | Hovedoppgave | en_US |
dc.identifier.duo | 35982 | en_US |
dc.contributor.supervisor | Erik Olai Pettersen | en_US |
dc.identifier.bibsys | 06084972x | en_US |
dc.identifier.fulltext | Fulltext https://www.duo.uio.no/bitstream/handle/10852/11133/1/HOVUDFAG.pdf | |